Google I/O ឆ្នាំ 2018 ទើប​តែ​បញ្ចប់ ហើយ​ក្រុម​ហ៊ុន​ Google បាន​បញ្ចេញ Software ថ្មីៗ​ជា​ច្រើន។

នៅ​ក្នុង​នោះ​ដែរ Google ក៏​បាន​ប្រកាស​ពី Google News App សម្រាប់អ្នក​ចង់​បាន​ពត៌មាន​ថ្មីៗ​នៅ​ក្នុង​ពិភព​លោក​ ទាំង​ដែល​ App ដែល​កំពុង​ដំណើរ​ការ​មុខ​ងារ​នេះ​ដូច​ជា​ Google News and Weather និង​ Google Play Newstand មាន​អ្នក​ប្រើ​ប្រាស់រាប់​លាន​អ្នក​រួច​មក​ហើយ។

លោក​ Sundar Pichai ដែល​ជា CEO របស់​ក្រុមហ៊ុន​ Google បាន​ប្រកាសថា​នឹង​គាំទ្រ​ផ្នែក​សារពត៌មាន​ដែល​មាន​គុណភាព និង​អ្នក​សរសេរ​អត្ថបទ Online ផង​ដែរ។

App ថ្មីគឺ Goole News នឹង​ប្រើ​បច្ចេកវិទ្យា​ AI ដើម្បី​រក​ពត៌មាន​ដែល​អ្នក​នឹង​ចូល​ចិត្ត​រួច​ដាក់​នៅក្នុង​ទំព័រមុខ​ផងដែរ។ ហើយ​វា​ក៏​អាច​ទាញ​យក​ពត៌​មាន​ជាតិ​របស់​ប្រទេស​នីមួយៗ បូក​រួម​ទាំងកម្មវិធី និង​ឧតុនិយម សម្រាប់អ្នក​ប្រើប្រាស់ទទួល​បាន​ពត៌មាន​ពីក្នុង​តំបន់។

Google News រចនា​ដោយ​ Material theme ម៉ូដែល​ថ្មី ដែល​ធ្វើ​ឲ្យ​ផ្ទាំង​កម្មវិធី​ស្អាត ស្រឡះ និង​ងាយ​ស្រួល​ប្រើ​ប្រាស់។

អ្នក​ប្រើប្រាស់ក៏​មាន​ភាព​ងាយ​ស្រួល​ក្នុង​ការ​តាមដាន​ពត៌មាន​ពី​ប្រភពណា​មួយ​ដែល​អ្នក​ចូល​ចិត្ត បូក​រួម​ទាំង​ការ​ចុះ​ឈ្មោះទិញប្រ​ចាំ​ខែ​ផង​ដែរ។ Google News នឹង​ចេញ​ឲ្យ​ទាញ​យក​ទាំង​ក្នុង​ Android និង​ iOS និងនៅ​លើ​គេហទំព័រ​ផ្ទាល់ នៅ​គ្រប់ 127 ប្រទេសចាប់ផ្តើម​ពីពេល​នេះ ហើយ​វា​ប្រហែល​ជា​ជំនួសកម្មវិធី​ចាស់ ដូចជា Google Play Newstand និង Google News and Weather​ ផង​ដែរ។