យប់​មិញ​នេះ​ក្រុម​ហ៊ុន​ VIVO បាន​ប្រកាស​បញ្ចេញ​ទូរស័ព្ទថ្មី​ម៉ូដែល NEX A ។ យើង​នឹង​លើក​មក​បង្ហាញ​ពី​ទម្រង់ខ្លួន​របស់​វា​ និង​សមត្ថភាព​របស់​វា​ផង​ដែរ។

តួខ្លួន

VIVO NEX​ A មាន​ទំហំ​អេក្រង់ 6.59 អុីញ ដែលមធ្យម​ភាគ​អេក្រង់​នៃ​តួ​ខ្លួន​របស់​វាគឺជាង 91% ស្អាត​ខ្លាំង​ណាស់។ នៅខាង​មុខ​វា​មិន​មាន​ប៊ូតុង​នោះទេ ហើយ​កាម៉េរា​មុខ​របស់​វា​បាន​បង្កប់​នៅក្នុង​តួ​ម៉ាស៊ីន នៅ​ពេល​ដែល​យើង​បើក​កាម៉េរាមុខ​វា​នឹង​លៀន​ពី​ខាង​លើ​មកក្រៅ។ បូក​រួម​ទាំង​ផ្នែក​ផ្សេងៗទៀត​ដូច​ជា រន្ធកាស និង​រន្ធ USB-C។

មុខ​ងារ​លំអិត

ទូរស័ព្ទនេះ​បំពាក់​ទៅដោយ៖

– Snapdragon 710

– RAM 6GB

– អេក្រង់ទំហំ 6.59​ អុីញ និង​ Resolution 1080x2316px

– អេក្រង់ជាប្រភេទ  Super AMOLED

– ទំហំផ្ទុក 128GB និង​មិន​អាច​ដាក់ Memory Card បាន​ឡើយ

– កាម៉េរាក្រោយ2គ្រាប់ទំហំ 12MP និង 5MP

– កាម៉េរាមុខទំហំ 8MP – ថ្ម​ទំហំ 4000mAh

– ដំណើរ​ការ​ដោយ​ Funtouch OS 4 (Android 8.1 Oreo)

ទូរស័ព្ទ​នេះ​ពិត​ជា​មិន​អាច​ប្រៀប​នឹង​ម៉ូដែល​ផ្សេងទៀត​ដូច​ជា Galaxy S9 ឬ​ក៏ OnePlus 6 បាន​ឡើយ​ព្រោះ​វា​ប្រើ​ Chipset កម្រិត​កណ្តាល គឺ Snapdragon 710។ ប៉ុន្តែ​វា​នឹង​ដំណើរ​ការ​បាន​ល្អ​សម្រាប់​មុខ​ងារ​ប្រចាំ​ថ្ងៃ​ដូច​ជា​លេង​អុីន​ធើ​ណេត ថត​រូប​ និង​ហ្គេម​យ៉ាង​រលូន។ បូក​រួម​ទាំង​ថ្ម​ដ៏​ធំ​របស់​វា​ទៀត យើង​សង្ឃឹម​ថា​អាច​ប្រើ​វា​បាន​២ថ្ងៃ​ ដោយ​សាក​ថ្មតែ​ម្តង។

ទូរស័ព្ទ​នេះ​មាន​ពីរ​ពណ៌​គឺ ខ្មៅ​និង​ក្រហម ហើយ​តម្លៃ​វា​ប្រហែល​ជាង​ខ្ទង់ $700 នៅ​អឺរ៉ុប ហើយ​អាច​នឹង​ចេញ​លក់​នៅថ្ងៃទី 23 ខែ​មិថុនានេះ។ តើ​អ្នក​គិត​យ៉ាង​ណាដែរ​ចំពោះ​ម៉ូដែល​នេះ?

អាន​អត្ថបទ​ផ្សេងទៀត៖