អត្ថ​បទ​ខ្លី​នេះ​នឹង​បង្ហាញ​អ្នក​រាល់​ផលិត​ផល​ដែល​ក្រុម​ហ៊ុន Apple បាន​ប្រកាស​បង្ហាញ​ម្សិល​មិញ​ទាំង​អស់។

iPhone ថ្មីបីម៉ូត

​iPhone XS និង iPhone XS Max

iPhone XS និង​ iPhone XS Max គឺ​ជា​អ្នក​បន្ត​វេន​​របស់​ iPhone X។ វា​ត្រូវ​បាន​បំពាក់​នូវ​បន្ទះ​ឈីប​ថ្មី​ហៅ​ថា ​Apple A12 ដែល​មាន​ល្បឿន​លឿន​ជាង​មុន ព្រម​ទាំង​បំពាក់​កាម៉េរា​ក្រោយ​ពីរ​គ្រាប់​ទំហំ 12MP ទាំង​ពីរ​គ្រាប់ ព្រមទាំង​កាម៉េរា​មុខ​ទំហំ​ 7MP មួយ​គ្រាប់ ហើយ​អាច​ផ្លាស់​ប្តូរ​ Filter បាន​ភ្លាម​ៗ​ពេល​កំពុង​ថត អាច​ថត​ Portrait បាន ព្រម​ទាំង​អាច​កែ Aperture បាន​បន្ទាប់​ពី​ថត​រូប​រួច​។ ថ្ម​វា​ក៏​កាន់​បាន​យូរ​ជាង​ម៉ូដែល​ចាស់ ព្រោះ​វា​មាន​ថ្មធំជាង​មុន​ និង​ប្រើ​អេក្រង់​ប្រភេទ OLED។ iPhone Xs មាន​អេក្រង់​ទំហំ 5.8 អ៉ីញ រី​ឯ​ iPhone Xs Max មាន​អេក្រង់​ទំហំ 6.5 អ៉ីញ។

ខាង​ក្រោំ​គឺ​ជា​ Specs រួម​របស់ iPhone XS និង​ XS Max

  • Chipset Apple A12
  • RAM 4GB
  • Storage 64/256/512GB
  • Front Camera 7MP
  • Rear Camera 12MP + 12MP
  • Face ID
  • Fast Charging
  • 3D touch
  • ប្រើអេ​ក្រង់​ប្រភេទ OLED
  • ប្រពន្ធ​ការ​ពារទឹក​និង​ធូលី​កម្រិត IP68

iPhone XS និង​ iPhone XS Max មាន​បីពណ៌​គឺ ប្រផេះ ប្រាក់ និង​មាស ហើយ​នឹង​ចេញ​លក់​នៅ​ថ្ងៃទី 21 ខែ​កញ្ញា។

តម្លៃ iPhone XS នឹង​ចាប់​ផ្តើមពី $999 រី​ឯ iPhone XS Max និង​ចាប់​ផ្តើម​ពី $1099

iPhone XR

អាមួយ​នេះ​គឺ​ជា​ប្រភេទ​តម្លៃ​ថោក ព្រោះ​វា​តម្លៃ​ចាប់​ផ្តើ​ម​ពី $750 (ដូច​មិន​សម​ហៅ​ថា​តម្លៃ​ថោក​សោះ)។ ថ្វីត្បិត​តែ​វា​មាន​រាង​ និង​បំពាក់​គ្រឿង​រឹង​ដូច​គេ​ផ្សេងទៀត តែ​វា​បាត់​មុខ​ងា​រ​ជា​ច្រើន ដូច​ជា​គ្មាន 3D Touch, ប្រើ​អេក្រង់​ប្រភេទ LCD ហើយ​មាន​គែម​ជុំវិញ​ធំ អេក្រង់ទំហំ 6.1 អ៉ីញ នឹង​កាម៉េរា​តែ​មួយ​គ្រាប់ប៉ុណ្ណោះ។ ខាង​ក្រោម​នេះ​ជា​ Specs របស់​វា៖

  • Chipset Apple A12
  • RAM 3GB
  • Storage 64/256/512GB
  • Front Camera 7MP
  • Rear Camera 12MP
  • Face ID
  • ប្រពន្ធ​ការ​ពារទឹក​និង​ធូលី​កម្រិត IP67

iPhone XR មាន​ប្រាំ​ពណ៌​សម្រាប់​ជ្រើស​រើសគឺ ខ្មៅ ក្រហម លឿង ខៀវ និង​ក្រហម​ខ្ចី។ វា​នឹង​ចេញ​លក់​នៅ​ថ្ងៃ​ទី 26 ខែ​តុលាខាង​មុខ​នេះ ក្នុង​តម្លៃ​ចាប់ពី $750​ទៅ។

Apple Watch Series 4

ក្រុម​ហ៊ុន​ក៏​បាន​បង្ហាញ​ម៉ូដែល​ថ្មី​របស់​ Apple Watch ផង​ដែរ​គឺ Apple Watch Series 4។ វាភ្ជាប់​ជា​មួយ​ផ្នែក​រឹង​សេរី​ថ្មីមាន​ល្បឿន​លឿន​ជាង​ម៉ូដែល​ចាស់ពីរ​ដង មាន​អេក្រង់​ធំ និង​ស្អាត​ជាង​មុខ ព្រម​ទាំង​សម្លេង​លឺ​ជាង​មុន​ 30%។ វា​ក៏​អាច​ដឹង​បាន​ពេល​យើង​រអិល​ដួល​ផង​ដែរ។ វា​នឹង​ចេញ​លក់​នា​ថ្ងៃ​ទី 21 ខែ​កញ្ញា ក្នុង​តម្លៃ​ចាប់​ពី $399។

macOS Mojave និង iOS 12

កាល​ពីកម្មវិធី WWDC 2018 ក្រុម​ហ៊ុន​ Apple ក៏​បាន​ប្រកាស​ជំនាន់​ថ្មី​របស់​ Software របស់​កុំព្យូទ័រ​ និង​ទូរស័ព្ទ គឺ​ macOS Mojave និង iOS 12។

macOS Mojave នឹង​ចេញ​កំណែ​ថ្មី​ឲ្យ​ទាញ​យក​នា​ថ្ងៃ​ទី 24​ខែ​កញ្ញា​ខាង​មុខ​នេះ។

រី​ឯ iOS 12 នឹង​ចេញ​កំណែ​ថ្មី​ឲ្យទាញ​យក​នា​ថ្ងៃ​ទី 17ខែ​កញ្ញា​ខាង​មុខ​នេះ។